Farina, acqua, sèle e mmiézze lu criscènde re panèrre stanne cummugliète sópa lu tumbagne, e sótte a la cupèrta s’arrepòsene ra sta notte. Crésce la pasta acchiène acchiène e ngimma a ògne pagnòtta mamma à fatte lu ségne re la cróce e chi trèse adda rìce “ benerìca” pe rispètte. Crammatina sime li prime a lu furne sóttecastiérre e indande ca cuócene re panèrre, mamma à fatte pure la “pizzandèrra”; alméne accundènda tanda crijature. - Letizzia, marònna quanda pène é fatte!- le rìce la furnèra. - Ché te crìre, Cummè, a cchèsa sime tande e quiste nunn’ abbasta manghe pe tuttequande, alména mangème pène e ne facìme curagge: pòche é ru ppène e cchiù ppòche lu cumbanagge!