Cumma Carmalina nu juórne nun tande se sendéva bbòna e ggìje andó lu miéreche pe nu cundròlle.
Lu miéreche se mettìje nda r'arécchie lu quìre pe sènde li pulmùne. 
Ra l'ate quarte cu la mèna tuzzulèva ngimma a re sparre e mbiétte a la fémmena.
Fernuta la viseta, lu dottóre penzèje ca là fémmena era na fumatrice accanita e le rìsse: 
- Signò, tu stèje bbòna accìsa, lu respìre tuje asseméglia a na rangàscia scascèta. 
Le rìje nu scatelìcchie re pinele e, penzànne ca lu vìzzeje nun se lèva tutte nziéme, ma nu pòche a la vòlda; 
le risse:
- Me raccumànne, signò, ra òsce t'éja fumè ròja - tré secarètte a lu juórne.

.... Róppe nu père re mise, Carmalina, se sendèva sèmbe nu relóre mbiétt e cu la saluta, a lu poste re scì nnanze, scéva addrète.
Accussì s' appresendèje nata vota andó lu miéreche e le cundèje tutte quere ca l' era succiesse.... 
Lu dottóre, la védde cu la faccia sbattuta e se n' addunèje subbete ca re còse nun gèvene bbòne
- Ma tu, prima re menì andó mé, Rìmme la verità, quanda secarètte a lu iuórne te fumève?

Giuseppina, bòna ngazzèta, respunnìje:
- Dottò, mannaggia a quanne meniétte la prima vòlda andó té! 
Ma la vuje capì ca ije nun agge mèie fumète?
Ma che cazze re miéreche sì? 
Me riceste ca m' avèva fumè roiatre secarette a lu juórne pe mmerecìna e vùje verè ca m' è rumaste lu vizzije e ca la cosa éja sciute a ffurnì a "BRUNGHITA"?