Artemisium News
26/10/2017
LU TRAPPITE
di MaestroCastello


Vèrse la metà re nu nuvèmbre
furnévene re còglie r'alìve
e lu juórne c'attucchèva a nuje
scévene re prima matina 
a lu trappìte Barbate.

Sendìve l'addóre forte r'alìve
rinde a li sacche, ammundunète
pe ndèrra chisà ra quanda tiémbe.

Nu vicchiariérre cu la cannuccia mmócca
se la pippijèva e s'alliscèva li baffe,
e na fémmena, aspettanne lu turne,
tenéva mènde c'angòra le scangiàvene
r'alìve sóje cu quére re l'àte.

Cert'uómene, cu la vandèra nnànze,
alzàvene li sacche e re svacandàvene
rind'a la màcena.

Sendive chi ricéva: "Se nunn'era pe la mósca,
auànne n'avesse fatte re cchiù"
"Lassa fè Ddìje!" respunnéva n'atùne

Quànne asséva r'uóglie, sculèva
a stizza a stizza; cóme a lu suróre
ra la frònde re chi r'avéva zappète
quér'alìve.

"Benerìca" recévene tutte li crestijène e
ognùne caccèva ra la sacca na fèrra re pène
pe l'assàgge.

Era cóm'a nu battézze, 
cu na cróce r'uóglie
sóp'a lu cruschele o 
cóme a quanne lu prèvete
rèje la cummenióne.

Nda lu trappìte, cóme 
sóp'a l'aldère, lu Patratèrne
avéva fatte nu meràcule:
lu meràcule re l'uóglie!

Stu meràcule
ogne ànne se repète,
e sèmbe a la stéssa manèra:
cóm'era l'usanza re na vóta.

(giovanni 25/10/2017)
Video: Li trappite a Sant'Ahata
Facebook Twitter Google+
Torna indietro
Autorizzazione del Tribunale di Foggia n.20 del 20 settembre 2006
Direttore Responsabile Samantha Berardino



Periodico di Video Informazione on-line. Direttore Responsabile: Samantha Berardino
Reg.Trib. di Foggia n.20 del 20 settembre 2006. Tutti i diritti sono riservati.
Direzione e Redazione: Via G.Garibaldi, 44 - 71028 Sant'Agata di Puglia (FG) Tel. +39 328 4595122 - +39 345 9555117
La collaborazione a qualsiasi titolo deve intendersi gratuita.
Segnalazioni: redazione@santagatesinelmondo.it

Tutto il materiale presente in questo sito è strettamente riservato - è vietato l'utilizzo dei contenuti del sito senza l'autorizzazione dei gestori. Privacy Policy | Cookie Policy