Agge sunnète nu paése
cu tanda càsere 
senza chiàvere a la pòrta.

Agge sunnète li crijatùre 
a la scòla che còndene
a la maéstra cumme 
fanne a nasce li pulgìne.

Agge sunnète uagliùne
re nòv'ànne sópa a n'albere
che fanne n'attreppèta re cerèse.

Agge sunnète nu crijatùre 
re córsa pe la strèta: 
è carute e l'èssùte lu sanghe
mbónda a lu scenùcchie,
la mamma mô l'allùcca, 
nô pecché sé fatte mèle;
ma pecché àve strazzète lu calzóne.

Agge sunnète re mammanònne 
ca fanne re mamme,
pecché àbbetene nziéme a la famiglia

Agge sunnète nu grande fridde
e tutte attuórne a lu fucurile
a ddìce cunte.

Agge sunnète na chèsa
senza telèfene e senza televisióne,
gènde che vive cu lu mule
e nun se sènde sóla.

Agge sunnète.... macché!
nu stéva mica sunnànne,
mô ca c'è pènze;
stéva sùle arrecurdànne!

(Giovanni, 2001)