LU 'NGAPPASORGE di Mario De Capraris 

I Parte - Puntata n. 3 

PASQUALE Ué, la notte qua nun ze pote rorme. È sendute re ggàttera stanotte? 

FILOMENA Quare ggàttera? 

PASQUALE Sì. Tu nun siende manghe re cannunète. Feguràmece. Aviva sende: miao, miao, miao. E po’ chiù calme: miao, miao, miao. Rice: “mè, mo’ se stanne accujatanne.” Macchè. Tutt’anzieme: miamiamiamiamiao. Nu schème accussì forte che te fèce sbalzè ra lu liette. Re ggàttera, sembrèva ca nu stévene sopa a li tittele, ma rinde a la chèsa. Stu paese é abbetète cchiù ra hatte, che ra crestiène. Nunn’agge rurmute pe niende.

 FILOMENA Pe ddoje hàttera ca scamene, tu nun vuje rorme?

 PASQUALE Nunn'é che nun voglje rorme. Ije rurmesse. So' re ggàttera che nun ze stanne citte. Purtroppe r’arecchje rèstene aperte. Quiste é nu paese che pure a dorme é nu probleme…

 FILOMENA Tutte tu li truove li defette.

 PASQUALE Me so’ proprje stuffète. Che brutta vita. Iésse ra la chesa e andò vèje? La chiazza, lu circule, re solete facce, re solete chiacchiere… “é viste a quire? é passète e nun m’ha salutète. Cur’alde quand’é ammalamende, nu lu riesche a suppurtè. Quire m’ha fatte queste. Cur’alde m’ha fatte quelle”… uff, nun ce la fazze cchiù.

 FILOMENA (gridando, risentita) Eh, stéje sèmbe a lamendàrete. Tu nun ce la fèje cchiù? È veré chi te sende.

 PASQUALE Sì, ma ije me ne voglje sci. Voglje sparì.

 FILOMENA (sempre gridando, risentita)

È ra mo’ che ru ddice. Tu fèje cume a fìgliete: rice sèmbe che se n'adda sci, e indande sèmbe qua stèje. Truoveme tu chi é che nun ze ne vole sci. Pecché, ije voglje stè qua? I’ se truasse a uno che me rice: “Viene a statte in città, te roche la chèsa” mo’ me ne scesse. Lasse cume me trove.

 PASQUALE Eh, te roche la chèsa… Che vuje cchiù?

 FILOMENA Stèje sèmbe a dice la stessa cosa. Lu paese, la gente che é accussì, la brutta vita, re stesse facce…… Si’ nu scundende re la vita. Pure in Paravise fusse scundende. Me simbre attànete.

 PASQUALE I’ sembre attàneme? E tu assemiglie a màmmeta.

 FILOMENA (gridando)

Pecché? Che tiene ra rice sopa a mamma?

 PASQUALE Che aggia tené ra rice? (ironico) E’ accussì na brava persona.

 FILOMENA Vulesse sapé che mèle t’ha fatte.

 PASQUALE Nun m’ha fatte niende re mèle. Ma m’é antepateca.

 FILOMENA (ironica) Si’ sempateche tu. Quera, Sand’Anna, la sohra la teneva re zucchere, eppure……

 PASQUALE Eppure qualche volta adda rice la soja…

FILOMENA Se te ru ddice vuol dire che c’azzecca. È giuste che ru ddice. È cume a me.

 PASQUALE Ah, ru bbire allora ca si’ cume a mammeta.

 FILOMENA Beh, m’é mamma. Mica m’é estranea. Almeno ije l’ammette. Nun zo’ cume a te che, quanne riche che assemiglje a attaneta, t’offende.  

 PASQUALE (pausa) Mah, me sembra cume se fosse che é na vita che facime sembe sti raggiunamende, che n’appetrenime. Bah, che ssacce, so’ sèmbe chiù convinte che me n’aggia sci.

 FILOMENA (gridando, sempre nervosa)

E che aspiétte? Chi te trattène? Sembra ca me féje nu despiette. Tu te ne véje e “ije mette lu lutte a lu cesse”, rìcene a Foggia.

 PASQUALE Quire, lu matremonie, avessa tené la data re scadenza. Cume re cose deperibbele, che ssacce, ru llatte, insomma re confezioni. L’etichetta  rice: “Confezionato il……, scade il…” accussì lu matremonie: “Data del matrimonio il…, scade il…”

 FILOMENA Sule ra te se siendene ste ccose: la data re scadenza, ru llatte, l’etichetta……(gridando) Ma famme lu piacere… E sì. Pecché la gente é tutta cume a te. Quire, stéva papanonne, che a mammanonna, la vuleva bene cume a lu prime juorne.

 PASQUALE Uè, ma vène na puzza ra sta stréta…  O adda esse lu gabbinette…

 FILOMENA Ma quala puzza? Tutte tu re siende re ppuzze. Me simbre na femmena nginda.

 PASQUALE Mè, amme fernute cu quera cengomma?

 FILOMENA Te rèje fastirie?

 PASQUALE E te mitte: “Ciac, ciac, ciac”. Màsteche, màsteche. Simbre nu cammelle.

 FILOMENA Avante. Scettéme la cengomma.

(butta la gomma)

Che cchiù? Stéje qualche alda cosa che te rèje fastirje?