A LA CHIAZZA.....

- Uéh, cumba Falucce bèlle, cumme scème? che se rìce, cumbè?
- É che s'adda rìce, cumbà Mechè; scème 'nnànze cóme Dije vòle!
- Éja tànde ca sì arrevèt'a la chiazza, cumbè?
- Mò mò só arrevète. Affìne c'ascìnne pe ste trasónne ra lu Castiérre, evòglia re tiémbe!
- Cóme te capìsche! Ije vènghe 'nghiène 'nghiène ra lu Purìrre, ma se passa na machena, sta rijàvela t'accàrra 'nnànze ' nda nu mumènde. 
Cumme scème cu re còsse, cumbè?
- Lu vìre stu bastóne? L'abbinghiarrìja nghèpe a chi rìch'ije.
- É pecché, che t'é succiésse, cumbè?
- Àbbete nda nu suttène, sòtt'a lu Chianghète. Nda quéra strèta, mô nun g'éja rumaste chiù nisciùne. Te puje pùre murì, nun passa n'ànema.
- A chi ru ddìce, 'nnande chèsa mia nun passa cchiù mànghe lu portaléttere; mô scrìvene tutte cu sti rijàvele re cumbiùter; e po', prima stévene quatte viécchie e ogni tande facìve na chiàcchiera, ma ra l'ànne passète, un'a la vóta, sónn'ascìse tutte a l'albere pezzùte.ì
- Ije só custrétte r'ascénne affòrza a la chiazza, se voglie mangè, se sèrve na merecìna, s'aggia asìgge quéru ppòche re pénzióne.
- Mé, s'éja pe quésse só affertunéte, ije tènghe a nepótema ca me fèce tutte; pùre se ru ffèce pecché s'aspetta ca le lasse la chèsa, quanne mòre.
- Quann' éja bóntiémbe, pùre se só acciumbenùte, ascénghe acchiène acchiène affìn'a la chiazza; ma quànne chiòve re stràtere revèndene nu sciulàcchie e, senza nu passamène mbàccia a li mùre pe t'appuscè; andó t'abbìje? Cèrte vòlde rèste nghiùse pùre nu mése.
- Cóme te capìsche, cumbè, quann'addeviénde viécchie, nun te pènza cchiù nisciùne; sì na mappina fetènde ca nun sèrve cchiù a niénde e la scèttene nda la munnézza.
- Pròpie accussì, cumbè, ce fósse nu chène che te rèje na mène. Prima stéva muglièrema, bònànema, ca facèva tutte lì servizeje; morta Mariuccia, muórte chìre quàtte viécchie attuórne chèsa; só rumàste sùle sùle. Tanda vòlde parle cu lu mùre. Se me verésse qualcùne, me pigliarrìja pe màtte! Ma chi m'adda veré?
- E li figlie che ddìcene?
- Chiàcchiere! Tonìne rìce sèmbe: "papà, pecché nun te ne viéne a Roma?" 
- E tu pecché nun ge vèje?
- Comba Mechè, ru sàcce ca nòrma numme vòle! Che fàzze, vèche a ddè fastìrije?
- Ah nò!
- Ndó Mechelìna scèsse pùre mò, ma stèje a la Svìzzera. Fatìjene tutt'e dduje, érra e lu marìte. Avéssa stè sèmbe sùle, rrà se parla tedesche; chi re capìsce?
- Purtròppe éja nu restìne: quà sìme nète e quà amma murì!
- Sòna miézzejuórne!.. Mé! M'abbìje chiène chiène, senó quann'arrìve ngastiérre? 
- Stàtte bbuóne, cumbè, ne veríme crèje.
- Se Ddìje vòle!
- E la Marònna pruvvére!
- Mandiénete fòrte!
- Pùre tu, cumbè...