E m'arrecorde chìre tièmb lundèn,
quann, appena fernùta la scòla,
te mmannàvene a 'mbarè nu mestière
e la putéha re scarpère, sarte e varvière; èrene aule senza li banche.
Verìve 'na vranca re uagliùn: 
chi 'nzapuneva la varva, chi mbuchèva lu fièrre a craùne e chi mettèva
a spònze la sola.
'Nta la quiète re lu paèse nuòstre
sentìve marteddè ra la matina a la sera
e ra lundène capìve chi èra: 
lu ferrère, lu falegnème o lu scarpère
ca vattéva la sola.
Quanta mestière sparùte! 
Lu 'mbagliasègge, lu stagnàre, lu sellère,
lu bannetòre, l'ammolafuòrbece, lu scalpellíne: tutte mastre re nu tièmbe abbulète.
Mò s'abbìjene tutte a lu sturie
e lu mestière nu le 'ngozza a nisciùne;
mò vanne tutte a la scola e qualcùne
ancora vèje ricènne :" Agge mmannète duje figlie in collegge, ne fosse assùte une
'mbagliasegge!"