Na quarandina r' anne fa, n'òme passèje nu uaiòne, ca cchiù gruosse re quìre nu le putéva capetè.....Manghe 6 mìse roppe 'nzurète, la muglièra , carìje malèta e morse.....
Pe duiatre mise stije nghiuse, nunn' assìje mica ra la chèsa.....Rumèse accussì ammalamènde ca ogne matina, cóme aprévene lu cangiérre a lu cambesande, scéva a chiange la morta.....
Nu poche ru ffacéva pure pe se fè verè.....Sapìte cumm'éja nda lu paése, nun puje fè nu pìrete, ca róppe ruje menute se vène a sapè. 
Prima ca facésse lu mése la mugliera, assije qualche bbòta pe ggì a lu bar o miezze a la via e subbete ru gienne recènne e lu trerecàrene.
Rinde a lu cambesande, s' appuscèva sèmbe mbiétte a nu zinne re mure, pròpije addrète a la chiésa, faccefrónde andó stanne li muórte rurbuchète ndèrra e stéva nu bèlle pòche a chiange.
Nu juórne, pe nu nze ne fè addunè ca stéva chiangènne, s' assuchèje re lacreme, se streculèje l'uocchie bbuóne e mmèglie cu na mène, 
s' azzecchèje a lu baccamòrte e l' addummannèje:
-Ze Gerà, ma a feè ssà fatìja se uaragne assèje?
Respunnìje ze Geràrde:
- Uagliò, qua dinde, quanne vene bón'annèta, li sòlde se scàvene cu lu pecóne! A propòsete, ève ra quànne é mòrta muglièreta ca te vuléva addummannè na còsa e me só sèmbe fatte scrùpele re te ruddice. 
- Rìmme tutte, ze Gerà!
- A zìje, nunn' è pe me pigliè li fatte tute; ma vulésse sapè sule a chi cavele chiange andó te mitte tu mbustète, tutte li juórne?....
Nu ru sacce se te ne si addunète, ma lu fuósse re muglièreta èja nu bbèlle pòche cchiù a quera via ra ndó stèje tu.
-Éja alluère, ze Gerà, é fatte bbùone ca me r'èje ritte. Vùje sapé lu pecché?
Andó cazze me métte métte; l'imbortànde ca nu me sènde muglièrma, ca senó quéra se respijèce e éja capèce re murì n'alda volda!