“LU NGAPPASORGE” Puntata n. 8

FILOMENA Mo’, fàmme luè stu 'ngappasorge ra qua. (fa per alzarsi)  

ROCCHINO Aspetta, cuma Flumè, fammille verè nu poche méglje. 

FILOMENA Che è verè? 

ROCCHINO Lu voglje guardè ra vecine scusa, pe' ccuriosità.

FILOMENA Te si’ fesséte cu stu ‘ngappasorce? Che vuje verè? Queste so’ cose re fémmene? Che c’intre tu che si ome? 

ROCCHINO No, pecchè me sembra accussì stréne… Muglièrema se n’è sciuta e lu ‘ngappasorce suje stéje qua…… Che ce fèce qua? 

FILOMENA Angòra. Ma se t’agge ritte ca è lu mije. Allora nun me crire? 

ROCCHINO Nun è che nun te crére, cuma Flumè. È che…… tu mìttete ‘nda li panne mije. Muglièrema è partuta cu n’alde. Stoche cu la chépa revuldèta. Cume aggire l’uocchje, vèche nemice. Permitte, che se vèche nu ‘ngappasorge che nu stéje a lu poste suje, me vène lu dubbje?

FILOMENA Cume no, cumbè, tu tiéne ragione. Accussì na mugliéra se ne vèje ra la chésa? Però, ije ra cummèra, te voglje rice: a che serve ca mo’ te si’ ‘ngapenute cu stu ‘ngappasorge. E pure che è lu suje, che è cumbenéte? 

ROCCHINO Come? Che agge cumbenète? Che qua: o erra se l’è scurdète chissà quanne……

FILOMENA Eh, poprje accussì. Se l’è scurdète qua. 

ROCCHINO Eppure è strène. Quanne mèje putèva purtè qua lu ‘ngappasorge suje? Pe quale motive?

FILOMENA Guarda che re ffemmene se lu portene appriesse.

ROCCHINO Oppure…

(in questo momento Antonietta starnutisce)

Eh, chi è che stèje qua?

(si alza e scopre la moglie)

Ah, ma si’ tu. Aveva raggione ije che lu ngappasorce era lu tuje. Che fèje qua, nascosta?

ANTONIETTA Aggia parte.

(entra in scena con la valigia, prende il beauty-case)

Beh, visto che ci siamo, è bene dire tutto. Vado via con Pasquale. 

ROCCHINO Cu Pasquèle? Ah, ecco. Eja irre lu desgraziète. Eh, ije lu tenèva lu suspette. Tu nun te preoccupanne, ca ra sta chèsa te fazze assì cume riche ije. Mantenìteme, mantenìteme. L’aggia tagliè la chèpa. La chèpa. Anze no, li piere, li piere.

(Rocchino si alza per andare verso la moglie. Filomena si mette in mezzo)

FILOMENA Ehi, Mariannì, Cungè, Carmalì, currite, currite.

(entra gente. Grida, confusione, baraonda. Trattengono Rocchino mentre Antonietta se ne va) 

ROCCHINO Andò é che stèje? Andò stèje? La chèpa. L'aggia tagliè la chèpa. 

FILOMENA Angòra, cu sta chèpa.

ROCCHINO Li piere, li piere.

FILOMENA Angòra, cu sti piere.

(fine prima parte)

Mario De Capraris