LU 'NGAPPASORGE   Ia PARTE – PUNTATA n. 4        

PASQUALE (pausa) Filomè, te vuleva rice lu fatte… 

FILOMENA Quale fatte? 

PASQUALE Lu fatte re lu devorzje.

 FILOMENA (allargando esausta le braccia)

Uagliò, tu tiene re ffessazione. Sembe lu stesse fatte. So’ anne che ru ddice. Embè? E quann’eja? Tu, vuje devurziè? È verè ije. 

PASQUALE Ma… a te nun te fèce né calde e né fridde ca ije me ne vèche cu Andunietta? 

FILOMENA Nun véche l’ora, ca te ne vèje. Alde che né calde e né fridde. Aggia sci scalza a la Maronna re la Cunzulazione. Tu ve' truanne.... 

PASQUALE Ma te la siende ca ije me ne vèche cu n’alda femmena? 

FILOMENA (gridando)

Ije me l’aggia sentì? E pecché? Forse che tra nuje duje ce stèje angora qualche cosa? Che, è matremonje, lu nuostre? È mèje stète nu matremonje? Ije è che nunn’agge avute l’occasione... se no, è ra mo' che me ne fosse sciute. Ra trend’anne. 

PASQUALE Trend’anne? Cioè, vuje rice che so’ trend’anne che nun gème d’accorde? Ma se sime spusète ra venticinche anni? 

FILOMENA Eeeh, ma so’ trend’anne. 

PASQUALE Quindi se une t’addummanna: “Tu da quanti anni sei sposata?” Respunne da venticinque. “E da quanti anni non vai d’accordo con tuo marito?” Da trenta. 

FILOMENA Sì. 

PASQUALE Mah, so’ misteri. 

FILOMENA Tu si’ cundende che te ne vèje? Allora permitte che pozze esse cundenda pure ije che reste? 

PASQUALE Come no? 

FILOMENA Andò la truove na muglièra che è cundenda che lu marite se ne vèje cu n’alda femmena? Non zolo. V’apprezza pure, che ve ne scète. E tu che ffèje? Stèje a truè storie.    

(suona il telefono, risponde Pasquale) 

PASQUALE Pronto? (parlotta un poco e chiude) Ha ditte ca mo’ vene. 

FILOMENA Chi? 

PASQUALE Andunietta. 

FILOMENA Ah, accussì ha ditte? E che adda venì a fè? Quera, chiù stèje a la chesa soia, è meglje eje.                  

PASQUALE Sacce che tiene ra rice sopa quera femmena. 

FILOMENA (ironica)

No, che aggia tenè ra rice? Chiù ije ne ru ffazze capì ca qua nun c’adda azzuppè, e chiù steje sembe qua. Quire receva buone la bonanema:  “chi nun è nate ‘ncase, nun ce trase”. 

PASQUALE Te reje fastirje se mo’ anghièna? 

FILOMENA Se stèje già venènne..... che me r'addummanne a ffè? 

PASQUALE Meh, almene, accussì ne salutème. 

FILOMENA Eh? 

PASQUALE Sì, Filomè, io oggi me ne vado via di casa. 

FILOMENA Come “oggi me ne vado via di casa”? 

PASQUALE Cume te r’aggia rice? Me ne vèche. Vado via. 

FILOMENA Possibbele? È arrevète lu mumende? 

PASQUALE È arrevète. È arrevète. 

FILOMENA E andò scète? 

PASQUALE A Ttorine. 

FILOMENA E ando ve scète a stè? 

PASQUALE Ra la sore re Andunietta. Ma…… stèva penzanne... proprje osce che amma parte, nun sacce pecché, ma me so’ venute tande re chire dubbje……

 FILOMENA Che dubbje? 

PASQUALE No, diche… mitte che voche rra, e penze: “Ma pecchè agge lassète a Filomena?” 

FILOMENA (gridando)

Nun te ru ssi’ addummannète fino a osce, e te ru vvuje sci a addummannè rrà? M’è fatte la chèpa tanda. E mo’, lu mumènde che è parte………… 

PASQUALE Giuanne che vèje e vène ra Foggia, ije a Torine… n’urgenza… na necessità… eh, va, parte ra Torine, va…… Ra nu juorne a n’alde, a tanda chelometre re distanza… la vita cangèta… 

FILOMENA Embè? E che è? Se se cangia pe stè meglje, pecché nun s’avessa cangè? 

PASQUALE Ma sime secure che po’ stème meglje? 

FILOMENA Ije, assolutamende sì. Me càpeta sta sorta de furtuna…… Tu nun te preoccupanne. Vire che è tutte facele. 

PASQUALE Eh, facele. Se fèce subbete a dice: “facele”. I’ mo’, so’ stète sembe decise…… 

FILOMENA E è èsse, decise. Pecchè nunn’avissa parte? 

PASQUALE Pecchè……pecchè… I penze… 

FILOMENA E nun penzanne. 

PASQUALE Ma… recènne a li chène… 

FILOMENA E nun ne ru ddecènne a li chène. 

PASQUALE Per esembje… me alze la matina… 

FILOMENA E nun t’alzanne, la matina. 

PASQUALE Filomè, nun me fèje furnì manghe re rice quere che… 

FILOMENA E dì, dì. 

PASQUALE Va beh, va. Nun fèce niende. Tiene cchiù tu la smania che ije aggia parte... Pozze pure tenè qualche dubbje, o qualche paura, no?                                               

FILOMENA Sapisse quanda paura tenghe ije: ca nun te ne vèje. 

PASQUALE Nunn agge fatte manghe lu begliette. 

FILOMENA Nun è fatte lu begliette? E che aspiette? 

PASQUALE Calma. Chiène chiène se fanne re ccose. Eh, n’aggia stè re tiembe a Ttorine. Mica è questione che une rice: mo’ vèche rra, stoche qualche juorne e torne.