“LU 'NGAPPASORGE” di Mario De Capraris 

I parte - Puntata n.2                           

FILOMENA (rientrando in cucina) Uè, ma vole venì proprje a nevechè. Fèce nu fridde.

PASQUALE A lu criature e' ritte che so' brave a raccundè.... Che vulive segnefechè? 

FILOMENA Ih, stèje attiende a re vvirgule. Che vulèva segnefechè?Quere che agge ritte. Che si’ brave a raccundè. A ddice chiacchiere. So' li fatte quire che mànghene. 

PASQUALE Pecché? Te resulta ca ije nun fazze li fatte? 

FILOMENA Fèje lu candande, tu? 

PASQUALE No. 

FILOMENA Fèje lu prestigiatore? 

PASQUALE No. 

FILOMENA E allora? Ru bbire che agge raggione a ddice che sèje sule raccundè. 

PASQUALE Che c’entra? Ije é che nunn’agge avute li mezze? 

FILOMENA E sì, pecché, secondo te, sule chi tène li mezze, riesce. Basta che fèje pegliè aria a la vocca…… Siende, parlème nu poche re cose serje. A che punte si arrevéte a pulzè lu bbedone? 

PASQUALE Eh, stèche angòra a la rasela re miezze. Vire che lu bbedone tène nu vùcchele. 

FILOMENA Nu vùcchele? E che, se l’hanne resuchète li surge? 

PASQUALE Quere so’ ruagna vecchje. Accàttele nuove. (pausa) Me fanne mèle re ‘ngenaglie. 

FILOMENA Eh, mo va spienne alde solde. 

PASQUALE E che te n’é fè re li solde? Te l'é sci a rerbuchè ‘nzieme a te quanne muore? (pausa) Maronna, me fanne mèle re còchele re l’uocchje. 

FILOMENA Uagliò, si' tutte nu lamiende. 

PASQUALE Te lu vuje fè mbrestè ra Carmalina? Ma quera te lu rèje attarachète re mòreha r’uoglie… 

FILOMENA Quire, “se lu ‘mbrieste fosse bbuone, se ‘mbrestassere re mmugliére.” 

PASQUALE Siende, pìglieme nu poche chire pìnnele che m’ha dète lu miéreche… 

FILOMENA Pecché? Tu si’ acciumbunute? Mo’ andò stanne sti pìnnele? 

PASQUALE Nda li pènzele.

(la moglie va sul posto, apre i pensili)

No, no rrò. Rrà. Agge parléte a lu viende. Rrà, rrà.

(la moglie fa cadere un bicchiere)

Fa chiène, calma. Tu si’ na paccia furiosa. Simbre calma, ma si’ aggetèta. Sule cume te muove, me fèje venì lu nervosisme. 

FILOMENA Me stèje a ‘mbambalì. Pe fforza che nun trove lu poste. E’ stu beccettulle? 

PASQUALE Sì, é quire. 

FILOMENA Ehj, qua tiene tutta na farmacia: sparatrappe, pinnele, sceruppe.

(porge il flacone con fare seccato)

Tè li pìnnele.

(prende una stoffa e inizia a cucire, seduta) 

PASQUALE (apre lo scatolo delle compresse)

Verime nu poche re che se tratta. Ecche lu fugliette ……

Dunque: “Precauzioni per l’uso, avvertenze speciali, effetti indesiderati”. Eh eh, e che eja? veléne? Verime sti effetti indesiderati: “Nausea, vomito, diarrea”. Eh. “Cattiva digestione, lingua nera villosa”. 

FILOMENA Che significa villosa? 

PASQUALE E che ne sacce. “Convulsioni, svenimenti”. Madonna mia. “Studi sul farmaco condotti sui topi hanno dimostrato……”

Però mica é giuste che nu sorge, invece re guderse la vita, adda fè la cavia nda nu labboratorje. Ije se fosse lu sorge, ne ru ddecesse a quire che me fèce l’esperimende: “Tu vuje fè l’esperimende? Beh, fattille sopa a te stesse”. 

FILOMENA Nunn’agge mèje viste nu sorge ca parla. 

PASQUALE E fossere sule li surge, fosse niende. Quire, l’esperimende re ffanne pure sopa a li puorce…… 

FILOMENA Li puorce? 

PASQUALE Hè. Che po’, rice che li puorce so’ chire che assemegliene re cchiù a nnuje… 

FILOMENA Nuje assemeglième a li puorce? 

PASQUALE Mo’ che é capite? Nunn’é che tenime la stessa faccia. Assemeglième cume sanghe, cioè la carne é la stessa. 

FILOMENA Ah, pensa nu poche: ije quanne véche nu puorche, penze ca po’ me l’aggia mangè. E invece quire forse eja nu parende.

 PASQUALE (ironico) Sì, é nu frètecucine. 

FILOMNA Mè, t’è pegliè stu pìnnele o no? 

PASQUALE Se nun legghe prima lu fugliette. 

FILOMENA C’è besuogne che liegge lu fugliette… La merecina te l’ha dète lu miéreche? E allora…… (pausa) Ma, a proposete, avessa sci pure ije ra lu miéreche… Quann’é crèje, vèche. 

PASQUALE Crèje è marterje. È chiuse. È sci pescrèje, murculurìje. Ma sèje la folla che truove. Meglje pescrirre. (prende la pillola e chiude l'involucro) 

FILOMENA Eh sì, pescrone. 

PASQUALE Mè, m’è mmesurè la pressione? 

FILOMENA Ah, ma stammatina aggia fè proprje l'infermiera?

(prende lo strumento, mette la fascia al braccio del marito, preme la pompetta) 

PASQUALE Aggia strenge lu pugne? 

FILOMENA (ironica) Sì, lu pugne re sòreta. Mica te stoche teranne lu sanghe? 

PASQUALE Chisà a quande la tenghe. 

FILOMENA A quande la vuje tené? Ecche: ciendetrenda settanda. A te chi t'accire?  

(la moglie toglie la fascia, mette a posto lo strumento) 

PASQUALE Menu mèle. M'ère preoccupète. Eh, quire, nu sbalze re pressione..... 

FILOMENA Mo' more palitte...